وحدات كروشيه للمفارش

وحدات كروشيه للمفارش
وحدات كروشيه للمفارش

بسم الله والصلاة والسلام على رسول الله

ان شاء الله هنتعلم مع بعض ازى نشتغل وحدات كروشيه علشان مفارش كروشيه وباذن الله هتكون سهله لان من مميزات الوحدات انها مش بتحسي بملل وانتى بتشتغلى عليها وبتكون ممتعه لانك ممكن تغير الوان في كل وحده على حسب رغبتك هنبتدى :

 بالادوات  ثم  طريقه التنفيذ

الادوات :

هنختار لونين من الخيط ويفضل خيط قطن – ابرة كروشيه مناسبه لحجم الخيط

طريقه التنفيذ :

السطر الاول : هنشتغل دائرة سحريه ونشتغل بداخلها 30 غرزة عمود ثم نقفل بمنزلقه

السطر الثانى : نرتفع 3 غرز سلسله ثم نشتغل غرزة عمود ثم  غرزة سلسله ونترك غرزة اللى  ونشتغل اللى بعدها ونشتغل في اللى بعدها يعنى نشتغل في غرزة واللى بعدها فارغه الى نهايه السطر بحيث يكون عدد غرز العمود 15 غرزة

السطر الثالث : نرتفع 3 غرز سسلسله  ونشتغل داخل الغرزة الفارغه اللى اشتغالنا عليها في السطر الثانى 2 غرزة عمود في كل فراغ سندخل فيه غرزتين عمود الى نهايه السطر

السطر الرابع : نرتفع 5 غرز سلسله ونثبتهم في 3 غرزة عمود من السطر الثالث ونقفل بغرزة منزلقه وثم نرتفع 5 غرز سلسله ونثبت في غرزة عمود رقم 3 ونكرر تلل الخطوة الى نهايه السطر

السطر الخامس : نرتفع 5 غرز سلسله ثم نثبتهم في الخمس غرز اللى في السطر الرابع وطبعا هنثبتهم بغرزة منزلقه ثم نكرر تانى تللك الخطوة وبعدها نرتفع غرزة سلسله واحده ثم نشغل 12 غرزة عمود ثم غرزة سلسله وبعدها نقفل بمنزلقه في الخمس غرز اللى بعدها ونكرر مافعلنا نشتغل مرة 5 غرز سلسله ونثبتهم ونرجع تانى نعمل 5 غرز سلسله ونثبتهم يعنى بنشتغل مرتين خمس سلسله  ونثبتها ونشتغل خمس سلسله ونثبتها وبعدها نشتغل غرزة سلسله واحده وبعدها 12 غرزة عمود ونفضل نكرر تلك الخطوات الى ان نصل الى نهايه السطر

وبكدا نكون انتهينا من شغل وحده كروشيه مناسبه جدا لمفارش كروشيه

وهى من اسهل مفارش كروشيه اللى ممكن تنفيذيها بمنتهى السهوله وان شاء الله سوف ابحث لكم عن الافضل والاسهل في الشغل

ولو عندك اى استفسار راسلينا

admin

متخصصين في تدريب وتعليم وتصميم فن الكروشيه

اترك تعليقاً

لن يتم نشر عنوان بريدك الإلكتروني.