كروشيه محفظه نقود مميزة

كروشيه محفظه نقود مميزة
كروشيه محفظه نقود

بسم الله والصلاة والسلام على رسول الله

كثيرا من يحتاج الى محفظه صغير لنقود الفكه او للمفاتيح وتكون في يدك بدلا من الشنطه كى تكون قريبه

ولكن كيف ذلك ؟

وكيف سنفعلها ؟

 وهل ستكون مميزة ؟

معنا ان شاء الله هتكون مميزة وسهله دائما مثلما تعودنا في ستار كروشيه براند ويلا نبتدى يانجمه على الشرح

الادوات :

خيط قطن الللون اللى تحبيه – زرار – اكسسوار على حسب ذوقك

طريقه التنفيذ :

السطر الاول : نشتغل14 غرزة سلسله وممكن تزودى على حسب العرض اللى انتى عايزاه لاننا هنشتغل على العرض اولا

السطر الثانى : نرتفع 3 غرز سلسله ونترك 2 غرزة سلسله من السطر الاول ونشتغل في الغرزة رقم 3 هنشتغل غرزة عمود ثم 2 غرزة سلسله ثم غرزة عمود ثم ناخد لفه على الابرة ونترك غرزتين سلسله من السطر الاول وندخل في الغرزة الثالثه ونكرر نشتغل غرزة عمود ثم غرزتين سلسله ثم عمود ونكرر ذلك الى نهايه السطر

السطر الثالث : نرتفع 3 غرز سلسله ونكرر ما فعلناه في السطر الثانى الى ان يصل الارتفاع الى 12 سطر احنا مش هنشتغل على المعصم كله بنفس الغرزة ولكن هنشتغل بتلك الغرزة والجزء الثانى هنشتغل على شكل المحفظه انتى ممكن تزودى عن 12 سطر على حسب مقاس المعصم

هنبتدى نشتغل على المحفظه

السطر الاول : هنرتفع غرزة سلسله واحده ثم نشتغل غرز منزلقه الى نهايه السطر

السطر الثانى : نرتفع غرزة سلسله ثم نكرر ما فعلناه في السطر الاول ونفضل نكرر ذالك الى ان يصل الارتفاع 15 سطر بغرزة منزلقه

السطر السادس عشر : نضع علامه ماركر علشان هنشتغل على غطاء المحفظه ونرتفع غرزة سلسله ثم غرزة منزلقه الى نهايه السطر الى ان يصل الارتفاع الى 12 سطر

السطر الثالث عشر : هنرتفع غرزة سلسله ثم نشتغل منزلقه الى ان نصل الى قبل منتصف السطر ونعمل 5 غرز سلسله على قد عروة الزرار ونكمل الشغل عادى الى نهايه السطر

السطر الرابع عشر : نرتفع غرزة سلسله ونكمل عادى الى ان نصل الى فتحه العروة ونشتغل بداخلها 5 غرز منزلقه ونكمل عادى وبكدا خالصنا الغطاء للمحفظه

ودلوقتى هنشتغل على جانب المحفظه

السطر الاول : نرتفع غرزة سلسله ونشتغل غرزة منزلقه بعرض المحفظه الى ان يصل الارتفاع الى 20 سطر بالعرض المحفظه كروشيه

دلوقتى هنشتغل على المثلث لليد

السطر الاول : هنشبك الخيط في ظهر المحفظه ونرتفع 3 غرز سلسله ونفس الغرزة اللى اشتغلنا بها المحفظه هنكمل بيها يعنى هنعمل غرزة عمود و2 غرزة سلسله وبعدين ندخل في ثلالث غرزة ونشتغل عمود ثم 2 غرزة سلسله وهكذا

السطر الثانى : هنرتفع 3 غرز سلسله ونترك اول 3 غرز من السطر الاول ونكمل الى النهايه

ملاحظه : هنكرر ما فعلناه في السطر الثانى لكن في كل سطر هناقص في الغرز الى ان نصل  الى شكل مثلث وفي اخر سطر سنقوم بعمل عدد من غرز السلسله على مقاس الاصبع الوسطى ثم نقفل بمنزلقه

وبكد نكون خالصنا المحفظه

الفنش النهائي : هنا هنركب زرار للمحفظه واحنا عملنا شكل عين يخيط مختلف للمحفظه كروشيه وركبنا وردة اكسسوار عند الاصبع الوسطى كى تعطى شكل مميز

اتمنى ان يكون الشرح وافي وتكون محفظه كروشيه عجبتكم ولأى استفسار راسلينا

admin

متخصصين في تدريب وتعليم وتصميم فن الكروشيه

اترك تعليقاً

لن يتم نشر عنوان بريدك الإلكتروني.