طريقه عمل شنطه كروشيه مربعه بخيط الكليم

طريقه عمل شنطه كروشيه مربعه بخيط الكليم
شنط كروشيه شنط كروشيه بخيط الكليم

الكل يبحث عن طريقه عمل شنط كروشيه

بسم الله والصلاة والسلام على رسول الله

ان شاء الله يانجمات الكروشيه سواء كانو مبتدئين او محترفين النهارده هنشرح الشنطه الترند وعامله ضجه على النت طريقه عمل شنطه مربعه كروشيه بخيط الكليم بطريقه سهله امشي بس معانا بالخطوات وان شاء الله هتعرفي تعمليه ببساطه وسهوله ولو في اى استفسار اكتبلنا وبأذن الله هنرد عليكى الشنطه بسيطه جدا وشيك جدا في لبسها هيحصل ايه لما تصنعى بنفسك قطعه فريده من نوعها 

ومافيش حد زيك لبس نفس شكل شنطتك هيكون احساس رائع على فكرة الكروشيه سهل للى بيحبو واللى شايف انو صعب وهيتعبنى والخ مش هتعرفي تشتغليه حتى لو عشان نفسك ااو اطفالك بشروا ولا تنفرا كما قال سيدنا محمد عليه الصلاه والسلام لازم تحبي الحاجه اللى بتشتغليها عشان على قد ماتعطيها من وقتك ومجهودك تعطيكى  وهتكون تحفه فنيه نادرة

اصنعيها بنفسك

ومش موجوده عند حد غيرك تخيالى الفرحه اللى هتحسيها انك عملتى حاجه من صنع ايدك احسس مختلف يستهل انك تجربي تبعى معانا الشرح خطوه خطوه وان شاء الله هتقدرى تنفيذها بسهوله وعلى فكره هى مش مكلفه يلانبتدى يانجمات شرح طريقه شنطه كروشيه مربعه بخيط الكليم

الادوات :

خيط كليم – ابرة مناسبه لحجم الخيط – ماركر – سوسته  — بطانه للشنطه – ليد الشنطه هنحتاج سلسله ذهبيه اللون – مداليه ذهبيه لعمل بها الشراشيب

طريقه عمل شنطه كروشيه بالخطوات

طريقه التنفيذ :

السطر الاول : نشتغل الدائرة السحريه ونشتغل بداخلها 8 غرز عمود ثم نسحب الخيط فتنغلق الدائرة ونقفل بغرزة منزلفه

السطر الثانى : نرتفع 3 غرز سلسله ثم نشتغل 2 غرزة عمود في نفس الغرزة يعنى اثننين في واحد وبعدها نشتغل غرزة عمود واحده وبعدين 3 غرز عمود في غرزة واحد وبعدها غرزة عمود واحده ويعدها 3 غرز عمود وبعدها واحده ثم 3 غرز عمود ثم واحده عمود يعنى هنكون كونا اربع زوايا من خل 3 غرز عند كل زويه  ونقفل بمنزلقه

السطر الثالث : نرتفع 3 غرز سلسله ثم 2غرز عمود من نفس المخرج من الغرزة الثانى  ثم 3 غرزة عمود عادى ثم 3 غرز عمود من نفس المخرج ثم 3 غرز عمود عاديه ثم 3 غرز عمود من نفس المخرج ونكرر لنهايه  السطر ونقفل بمنزلقه

السطر الرابع : نرتفع 3غرز سلسله ثم 3 غرز عمود من نفس مخرج في الغرزة الثانيه من السطر السابق  ثم 5 غرز عمود عاديه ونكرر تللك الخطوة لنهايه السطر ونقفل بمنزلقه

السطر الخامس : نرتفع 3 غرز سلسله ثم 2 غرز عمود من نفس المخرج ثم 7 غرز عمود عاديه ثم 3 غرز عمود من نفس المخرج ونكرر مافعلناه لحد ما نخلص السطر ونقفل بمنزلقه

ملاحظه : احنا كدا خلصنا النصف الاول من شنطه كروشيه بخيط الكليم وسوف نكرر مافعلناه لنصف الثانى من شنطه كروس كروشيه ثم نبتدى نركب النصفين مع بعض عن طريق بنجمع النصفين ونشبك الخيط بجانب النصف الاول وندخله في النصف الثانى من شنطه وهكذا لحد ما نصل الى جزء من النصف الثانى

ونضع الماركر عشان نحدد بي مكان السوسته لان ممكن تشبيك النصفين يشغلك وتنسي مكان السوسته واحنا بنشبك النصفين مع بعض نعمل حسبنا نركب الحلقات اللى بنركب فيها وهنشرح طريقه عمل يد شنطه كروشيه

طريقه عمل يد شنطه كروشيه

احنا هنا عملنا اليد جزء منها سلسله ذهبى والجزء الاخر كروشيه بنركب السلسله عادى اما للكروشيه بندخل الابرة الكروشيه داخل فتحت السلسله ونشتغل غرزتين سلسله وبنخرج من سلسله واحده ونشتغل في الثانيه غرزة حشو ونرجع ندخل في الاولى غرزة حشو وبنفضل نكمل كده لحد لما توصلى لطول المناسب لكى وممكن تجعلى اليد كلها كروشيه وساعتها هتبدئي من الحلقات وتشتغلى بنفس الطريقه لحد لما تحصلى على الطول المناسب لكى

عمل يد كروشيه

او تكون اليد كلها سلسله عادى من غير كروشيه ممكن ده على حسب رغبتك ولمستك الفنيه في شنطه بتاعتك سواء كانت ليكى او مشروع او بتقدميها هديه لحد قريب منك

ثم نركب السوسته واما بالنسبه للبطانه نبتدى ناخذ مقاس الشنطه بقطعه من القماش ونخيط القماش اولا على حسب المقاس ثم نخيط البطانه بالشنطه ثم نركب اليد للشنطه

طريقه عمل الشراشيب لشنطه كروشيه

اما بالنسببه للشراشيب : بنعمل دائرة سحريه ثم نرتفع غرزة سلسله واحده وندخل في الطرف الثانى للغرزة ونشتغل لحد ما نصل الى شكل اسطوانى وندخل بها الشراشيب وبكدا نكون خالصنا طريقه عمل شنطه كروشيه مربعه بالخطوات وياريت تتعلمى الفكرة الاساسيه واضيفي انتى لمستك واجعليها علامه تجاريه يتعرف شغلك بيها او حتى لنفسك واى استفسار اكتبى في التعليقات فانه يسعدنا ذلك

admin

متخصصين في تدريب وتعليم وتصميم فن الكروشيه

اترك تعليقاً

لن يتم نشر عنوان بريدك الإلكتروني.