طريقه عمل شنطه كروشيه

طريقه عمل شنطه كروشيه
شنط كروشيه للبنات شنط كروشيه دائريه

طريقه عمل شنطه كروشيه دائريه

ان شاء الله النهارده هنشرح طريقه عمل شنطه بخيط الكليم بطريقه بسيطه وسهله كالعاده في موقع ستار كروشيه براند طبعا كلنا او اغلبنا بنحب ندور دايما على الجدي ونسعى دايما اننا نشتريه لكن بنلقي في معظم الاوقات ان الحاجه اللى بنشتريها بتكون ثمناها غالى

عكس ما توقعنا ان شاء الله في موقعنا هدفنا اتعلمى ووفرى وده مجانا ليه عشان لما بتعملى الحاجه بنفسك بتبقي ليها فرحه تانيه عن لما بتشتريها صحيح بتفرحى انك اشتريت اللى كنتى عايزاه وممكن كمان تكون شنطه براند لكن في منها كتيير ومش انتى الوحيده اللى معاكى الشنطه دى لكن لما تتعلمى تعملى شنطه بنفسك ليكى بتكون مميزه وارهنك انك تلقي حد معاه نفس شكل الشنطه بتاعتك لانك اشتغلتى عليها بحب وواضعتى لمستك الجماليه عليها فأصبحت مميزة جدا وفى منتهى الشياكه وممكن تلقى ناس بتعرض عليكى انك تعمليلهم زيها وبكد تكونى ضربتى عصفورين بحجر واحد يعنى وفرتى لنفسك تمن شنطه وعملتى منها مشروع ليكى ويلا يا نجمات الكروشيه نبتدى طريقه عمل شنطه كروشيه بالخطوات

طريقه عمل شنط كروشيه بخيط الكليم

الادوات المستخدمه :

خيط كليم – ابرة كروشيه مناسبه لحجم الخيط مقدرش  احددلك مقاس معين لان حجم الخيط بيفرق – سوسته – بطانه او لا على حسب رغبتك – ماركر – حلقات لتركيب يد الشنطه

طريقه عمل شنطه كروشيه بالخطوات

طريقه التنفيذ :

السطر الاول : هنعمل الدائره السحريه ونعمل غرزة سلسله عشان نثتها وبعدها نشتغل بداخلها 5 غرز حشو ونشد الخيط حتى تنغلق الدائره ثم نقفل السطر الاول       بمنزلقه

السطر الثانى : نرتفع غرزة سلسله ثم تزايد في كل غرز حشو هتقبلنا يعنى الخمس غرز هيكونو عشر غرز حشو ثم نغلق السطر بمنزلقه

السطر الثالث : نرتفع غرزة سلسله ثم نشتغل مرة غرزة واحد حشو والغرزة اللى بعدها تزايد يعنى مرة غرزة ومرة غرزتين ولما نصل الى نهايه السطر نقل بمنزلقه

السطر الرابع : نرتفع غرزة سلسله وفى هذا السطر هنكمل عادى بدون اى زيادات يعنى هنشتغل في كل غرزة حشو هتقبلنا غرزة واحده بس

السطر الخامس : نرتفع غرزة سلسله في هذا السطر هنشتغل مرتين غرزة واحده حشو ومرة غرزتين حشو يعنى اول غرزة هتقبلنا هنشتغل غرزة واحده تانى غرزة هتقبلنا غرزة واحده تالت غرزة هتقبلنا غرزتين يعنى تالت غرزة هنعمل فيها تزايد  ونكرر ذلك الى نهايه السطر ونغلق بمنزلقه

السطر السادس : نرتفع غرزة سلسله وهنشتغل هذا السطر كامل بدون زيادة يعنى كل غرزة حشو هتقبلنا هنشتغل فيها غرزة واحده حشو ونكمل على كده لحد نهايه السطر بدون اى زيادات ونغلق بمنزلقه

ملاحظه : احنا هنا نكون وصلنا للمقاس المناسب للشنطه كروشيه مدورة بخيط الكليم لكن انتى لو عايزة تكبرى المقاس يبقي هتشتغلى كالاتى : اول غرزة هتقبلنا هنشتغل فيها غرزة واحده وثانى غرزة ايضا هنشتغل غرزة واحده والثالثه غرزة واحده فقط والغرزة الرابعه تزايد والسطر اللى بعده بدون تزياد وهكذا الى ان تصلى المقاس المناسب لكى

السطر السابع : نرتفع سلسله ونكمل عادى بدون اى تزايد يعنى كل غرزة هتقبلنا هنشتغل فيها غرزة واحده الى نهايه السطر ونغلق بنزلقه

السطر الثامن : نرتففع غرزة سلسله ثم نكرر مافعلناه في السطر السابق لكى نحصل على تقوس الشنطه هتلاحظى اننا اشتغلنا ثلاث اسطر بدون اى زيادات وذلك لكى تتقوس الشنطه ونحصل على الشكل المثالى لها

ملاحظه : احنا بنقسم شغل الشنطه الى نصفين وبعدها بنشبكهم ببعض تمام عشان الشرح بيكون واضح بس احنا كده خالصنا النصف الاول من الشنطه وهنشتغل نفس اللى عملناه في النصف الثانى بنفس العدد وبنفس الغرز علشان يطلع عدى النصفين متطابقين ونقدر نشبكهم بسهوله فلازم تكتبي الخطوات عندك عشان ماتنسيش حاجه او تتلغبطى في العد فيطلهه النصفين غير متساويين وساعتها ماينفعش نشبكهم خالص وهنرجع نفك ونشتغل من االاول فالأحسن انك تكتبى الخطوات وانتى بتشتغلى عشان النصفين يكونو مظبوطين ويوفر علينا فك الشغل من الاول

وطبعا بما اننا عملنا خالص النصفين هيكون عندنا مهمه اخرى وهى ازاى هنشبكهم مع بعض وان شاء الله هتكون سهله امشي معانا بالخطوات بس اهم حاجه

طريقه تركيب الشنطه

تركيب النصفين مع بعض :

في طريقتين

الاولى وهى بستخدام ابرة التنظيف احنا ناخد جزء من الخيط مثلا في حدود تقفيل قطر الشنطه وبعدها بنقطع الخيط عشان ندخله في ابرة التنظيف ونعرف نشتغل بيها

خالص ركبنا ابرة التنظيف هنثبت النصفين بوجه بعض ونضع ماركر عشا نحدد مكان السوسته علشان ماننساش نقفلها كلها فلازم نحدد مكان السوسته بالمركر وبعدين ندخل في اول غرزة من النصف الاول ونخرجها من النصف الثانى ونضع الغرزة في النصف الاول امام الغرزة في النصف الثانى كل غرزة امام اختها من النصف الثانى عشان يكونو متساويين وبعدها واحنا شغلين ممكن نركب معانا الحلقات اللى هنركب فيها الحزام الشنطه وبعدها نعمل عقده عشان الخيط مايفكش او نثبت عليه جدا ثم نقطع الخيط المتبقي وبكدا احنا خالصنا

الثانيه هى بأبرة الكروشيه

بنثبت النصفين امام بعض ومن اخر غرزة احنا وقفنا عندها في النصف الثانى بندخل بأبره الكروشيه في النصف الاول ونسحب الخيط وهكذا الى ان نصل الى علامه المركر وبكدا نكون ركبنا النصفين بشكل متساوى مع بعضه وخالصنا

الشنطه وبعدها بنركب اليد وممكن تكون يده من السلسه الذهبيه او الفضيه لكن في الشنطه اللى اشتغلنا عليها احنا عملنا جزء منها كروشيه بالنسبه للجزء الكروشيه احنا بندخل داخل السلسله بالابرة الكروشيه ونسحب الخيط وبعدها بنشتغل غرزتين سلسله وبعدها بنطلع من واحده ونشتغل في الثانيه ونرجع نشتغل في الاوله وهكذا الى ان تصلى الى الطول المناسب لكى وبكدا احنا خالصنا طريقه عمل شنطه كروشيه مدورة بخيط الكليم اى استفسار اكتبلونا في التعليق نتمنى ان تنفذوها وتصوروها عايزين نشوف ابداعتكم واحسساسسكم ايه لما اشتغلتوها بنفسكم

admin

متخصصين في تدريب وتعليم وتصميم فن الكروشيه

7 أراء حول “طريقه عمل شنطه كروشيه

اترك تعليقاً

لن يتم نشر عنوان بريدك الإلكتروني.