طريقه عمل توك شعر كروشيه

طريقه عمل توك شعر كروشيه
طريقه عمل توكه شعر كروشيه

بسم الله والصلاه والسلام على رسول الله

ان شاء الله هنشرح النهارده فكرة ممكن تكون ليكى مشروع تكسبى منه وانتى في بيتك بتكلفه ممكن لا تتعدى 40 جنيه وهقولك ازاى طريقه عمل توك شعر كروشيه تابعى معانا وهنشرح الطريقه بطريقه مبسطه جدا وبالخطوات واى استفسار اكتبلنا في التعليقات واحنا هنرد عليكى وكمان ممكن نعتبرها دورة تدريبيه طريقه عمل توكه شعر كروشيه

اولا : فكرة المشروع توك شعر كروشيه

هو مشروع توك شعر كروشيه حاجه كده سهله وبسيطه ومش بس كده كمان مش مكلفه ومش بتاخد منك وقت ممكن وانتى قاعده بتتفرجى على التليفزيون تكونى عملتى كذا واحده ومشروع مطلوب في كل بيت مين مش بيحتاج توك شعر ياما للبنات او السيدات

كلنا بنحتاج للتوك وده ميزته انه سهل تتعلميه لو انتى لسه مبتدئه في الكروشيه

وان شاء الله ده اول كورس فس سلسله اتعلمى ووفرى وان شاء الله هنزل افكار تكون سهله وبسيطه للمبتدئين تناسب ايضا المحترفين

دورة تدريبيه طريقه عمل توك شعر كروشيه

لان الاغلب فينا عايزين نعمل كروشيه لكن حاجات بسيطه وفي ناس بتكون امكانيتهم بسيطه وعايزين يعملو مشروع من منزلهم بتكلفه بسيطه ولكن ينقصهم المعلومات اللى يبتدو بها لذلك قولنا نبتدى بحاجات بسيطه

وان شاء الله نبتدى مع بعض واى حد عنده افكار اخرى ممكن يكتب لينا في التعليقات عشان ننزل دورات للافكار دى

ويلا يانجمات الكروشيه نبتدى على بركه الله

اولا :الادوات

خيط قطن ممكن لونين او لون واحد حسب رغبتك – اوخيط قطيفه ينفع بردو – ابرة مقاس مناسب لحجم فتله الخيط- كيس توك استيك للشعر هتلاقيه عند اى مكتبه بسعر اقل من 5 جنيه

طريقه التنفيذ توكه شعر كروشيه

دى صورة التوك

السطر الاول : هنلف الخيط حول الابرة وندخل الابرة جو التوكه ونبتدى نعمل اول غرزة وبعدها هنشتغل غرز حشو مش هينفع نحدد عدد الغرز اللى هتشتغليها لان المفروض تملى التوكه كلها

بدون ان تتركى اى مساحه عشان لما تشدى التوكه على الشعر مايظهرش لون التوكه الاصلى فلازم تشتغلى عدد لا نهائي من غرز الحشو واخر غرزه هنقفلها مع اول غرزة بمنزلقه

السطر الثانى : هنغير لون الخيط ونشتغل غرزتين سلسله وندخل بغرزة منزلقه في الغرزة الثانيه من السطر الاول وهكذا يعنى نشتغل غرزتين سلسله ونثبتهم في ثالث غرزة من السطر السابق الى نهايه السطر ثم نقفل بمنزلقه

وبكده نكون خالصنا ججزء كبير من التوكه وده شكلها

الجزء الثانى : طريقه عمل وورده الملفوفه كروشيه

ودى ان شاء الله سهله جدا امشي معايا بالخطوات

السطر الاول : هنشتغل 40 غرزة سلسله

السطر الثانى : نرتفع 3 غرز سلسله وندخل في الغرزة الرابعه ونعمل عمودثم 2 غرزة سلسله ثم عمود بلفه ونترك غرزتين بالاسفل الى نهايه السطر

السطر الثالث : في هذا السطر نشتغل بدون ارتفاع وبنشتغل داخل حرف V اثنين غرزة عمود وبعدها 2 غرزة سلسله وبعدها غمودين الى نهايه السطر

السطر الرابع : نشتغل ايضا بدون ارتفاع ونبتدى ندخل جو الغرزتين السلسله اللى اشتغالناهم في السطر السابق ونعمل 10 غرز عمود ثم الفراغ اللى بعده نشتغل غرزة حشو وبعدها في غرزة السلسله نكرر 10 غرزة عمود ونفضل نعمل ده الى نهايه السطر ونغلق بغرزة منزلقه ونترك بعض الخيط ونقطع الباقي

وده بيكون شكلها

ملاحظه الخيط اللى تركناه عشان هنلف الوردة مع بعضاها ونخيط الورده بيها وبعد ما نخيط الورده بنثبتها مع التوكه اللى عملناها قبل كده ودى بقي اسهل واسرع مشروع ممكن تعمليه لبنتك او ليكى او تهادى بي اى حد من اصدقائك او يكون ليكى مشروع تعملى في بيتكفكرتنتا هى اتعلمى ووفرى اقل توكه ممكن تكون 8 جنيه اذا ماكانتش اكتر ومش بتقعد فترة طويله معاكى عشان كده اتعلميها ووفرى على نفسك وهتفرحى اوى لما تخلصيها وتكون قدامك حاجه عملتيها بايدك

اتمنا الشرح يكون مفيد واى استفسار اكتبي في التعليقات ش

admin

متخصصين في تدريب وتعليم وتصميم فن الكروشيه

لا تعليقات بعد على “طريقه عمل توك شعر كروشيه

اترك تعليقاً