اسهل 8 طرق لكسب المال من الكروشيه

اسهل 8 طرق لكسب المال من الكروشيه

بسم الله والصلاة والسلام على رسول الله

كسب المال من الكروشيه مش حاجه جديده لسه هنكلم عنها ده موجود من زمان ولكن الجديد الطرق اللى بتجدد كل فترة وهنا هنشرح الطرق اللى تساعدك ان يكون ليكى دافع في تعليم الكروشيه مش بس علشان تكسبي منه المال ولكن علشان تستفيدى منه انك تعملى حاجه حلوة للاطفالك

الطريقه الاولى :

انك تعملى كروشيه بكميات وتبتدى تعرضيها اما على فسبوك او انستجرام وغيرها من المواقع التواصل ولو انتى مش بتعرفي فيها ممكن تتفقي مع تاجر مثل انك تعرضي شغلك عنده مقابل انه بياخد نسبه من المكسب واذاكان عندك محل فدا بيكون فرصه تعرضي شغلك ومكسبك يكون ليكى

الطريقه الثانيه :

انك تعرفي الناس انك بتعملى كروشيه ازاى ! ممكن تعملى هدايا للاقارب مثلا حاجات بيبهات للاطفال او علب مكياج للعرائس وغيرها هتكونى عملتى سمعه طيبه بين الناس واى حد هيحتاج شغل كروشيه هيتفقو معاكى

الطريقه الثالثه :

ان تشتركى في معرض الاسر المنتجه او معرض الجمعيات الاهليه او تستاجرى مكان في النادى زى نادى المعلمين وغيرها من الاماكن اللى ممكن تعرضى فيها

الطريقه الرابعه :

افتحى متجر الكترونى تسوقي من خلاله شغلك بس هتحتاجى حد يساعدك في تقنيات للمتجر او انك تدرسيه من خلال النت

الطريقه الخامسه :

انك تستغلى المواسم يعنى مثلا موسم المدارس تعملى توك او شنط مدارس او مقالم وفي موسم شتاء جوانتى لجميع الاعمار واسكارفات في الاعياد توك رقيقه للبنوتات واساور وشنط وغيرها

الطريقه السادسه :

تشتركى في مواقع وتعرضي شغلك معاهم زى موقع بنتريست وغيرها من المواقع اللى تساعدك في نشر صورك وشغلك منالكروشيه

الطريقه السابعه :

تشتغلى مدليات كروشيه فكرة سهله وسريعه وبسيطه تقدرى تتعلميها وتتقنيها وممكن تعملى باشكال افلام كرتون

الطريقه الثامنه :

تشتغلى العاب للاطفال ودى مكسبها عالى ومافيش طفل مش بيحب اللعب وتعرضيها في الاماكن اللى قولنا عليها

admin

متخصصين في تدريب وتعليم وتصميم فن الكروشيه

اترك تعليقاً

لن يتم نشر عنوان بريدك الإلكتروني.