اسهل طريقه مجربه لعمل احمل لوكلوك كروشيه بناتى

اسهل طريقه مجربه لعمل احمل لوكلوك كروشيه بناتى
اجمل لوكلوك كروشيه

بسم الله والصلاة والسلام على رسول الله  كل سنه وانتم طيبين بمناسبه شهر رمضان الكريم يارب يعود علينا بالخير

ان شاء الله هنشرح طريقه تنفيذ هذا الوكلوك الرائع وفى نفس الوقت سهل التنفيذ وشكله مميز جدا انا هنا استخدمت لونين من خيوط الصوف انتى تقدرى تستخدمى لونين وهتمشى معنا بنفس الخطوات اما اذا كنتى بتفضلى لون واحد وهنمشي بنفس الخطوات لكن مش هتحتاجى انك تغير اللون

الادوات :

خيوط صوف – وبرة مناسبه لحجم الخيط – ابره تنظيف

طريقه تنفيذ :

السطر الاول : نعمل دائرة سحريه ثم نرتفع 3 غرز سلسله ونشتغل داخل الدائرة 12 غرزة عمود ثم نقفل الدائرة بمنزلقه

السطر الثانى : نرتفع 3 غرز سلسله ثم نشتغل 12 غرزة عمود يعنى فوق كل غرزة عمود من السطر الاول نشتغل اثنين غرزة عمود في السطر الثانى

السطر الثالث : نرتفع 3 غرز سلسله ثم غرزة واحده عمود ثم اثنين غرزة عمود يعنى  مرة غرزة واحده واللى بعده اثنين الى نهايه السطر ثم نقفل بمنزلقه

السطر الرابع : نرتفع 3 غرز سلسله ثم غرزة واحده عمود فوق كل غرزة يعنى غرزة عمود فى السطر الثالث نشتغل فوقيها غرزة واحده عمود في السطر الرابع الى نهايه السطر ثم نقفل بمننزلقه

السطر الخامس : نبدل لون الخيط ثم نرتفع 3 غرز سلسله ونكرر اللى عملناه في السطر الرابع الى نهايه السطر ثم نقفل بمنزلقه

السطر السادس : نبدل لون الخيط ثم نرتفع 3   غرز سلسله ثم نشتغل غرزة فوق غرزة زى ماعملناه في السطر الخامس الى نهايه السطر نقفل بمنزلقه

السطر السابع : نبدل اللون ثم نرتفع 3 غرز سلسله ثم نفس الخطوات اللى نفذناها في السطور السابقه هنشتغل عليه في هذا السطر الى نهايه السطر ثم نقفل بمنزلقه

السطر الثامن : نبدل الون ثم نرتفع 3 غرز سلسله ونكرر الى اشتغلنا عليه في السطور السابقه

السطر التاسع : نبدل الون ثم نرتفع 3 غرز سلسله ثم نشتغل غرز عمود وقبل نهايه السطر نشتغل 2 غرزة سلسله ثم نشتغل  9 غرز هنشتغل 9 غرز منزلقه الى نهايه السطرثم نشتغل 2 غرزة سلسله ثم نقفل السطر

السطر العاشر : ممكن تكملى بنفس اللون زى الصورة وممكن تغيير اللون حسب الرغبه المهم نرتفع3 غرز سلسله ثم نشتغل عادى زى السطور السابقه الى ان نصل الى التسع غرز منزلقه نشتغل 4 غرز سلسله ثم نترك اول غرزة منزلقه في السطر التاسع وندخل في اللى بعدها منزلقه وايضا سوف نترك اخر غرزة منزلقه ونشتغل 4 غرز سلسله ثم نقفل السطر وهنا سيكون عدد الغرز منزلقه 7 غرز منزلقه

السطر الحادى عشر : نرتفع 3 غرزة سلسله ثم نشتغل عمود الى ان نصل للغرز المنزلقه لكن قبلها نشتغل 6 غرز سلسله ثم هنترك غرزة منزلقه وندخل في اللى بعدها وايضا نترك الغرزة الاخيرة ونشتغل 6 غرزة سلسله ثم نقفل السطر وهنا عدد الغرز 5 غرز منزلقه

السطر الثانى عشر : نرتفع 3 غرز سلسله ثم نكمل غرز عمود عادى الى ان نصل لغرز منزلقه ثم نشتغل 8غرز سلسله ثم نترك اول غرزة منزلقه ونكمل في اللى بعدها وهنترك غرزة اخيرة ثم نعمل 8 غرز سلسله ثم نقفل السطر وسيكون عندنا عدد غرز منزلقه 3 منزلقه

السطر الثالث عشر : نرتفع 3 غرز سلسله ثم نكمل عادى الى ان نصل للمنزلقه ونعمل 10 غرز سلسله ثم غرزة واحده منزلقه وطبعا هنترك غرزة في الاول والغرزة الاخيرة من مغرز منزلقه ثم نشتغل 10 غرز سلسله ثم نقفل السطر

ملاحظه : سوف نكمل باقى السطور عادى جدا لاننا عملنا شكل الهرم اللى في وسط الوكلوك ثم نكمل عادى الى ان تصلى للمقاس المناسب لكى ثم يأتى دور ابرة تنظيف اننا بنقفل الوكلوك من الخلف بشكل جميل وبطريقه سهله بندخل في غرزة من الجانب الاول ثم في الجانب الثانى الى ان نقفل الجانبين مع بعض وبكده نكون خالصنا لاى استفسار راسلينا في التعليقات

admin

متخصصين في تدريب وتعليم وتصميم فن الكروشيه

اترك تعليقاً

لن يتم نشر عنوان بريدك الإلكتروني.