اجمل واشيك اسكارف كروشيه بناتى ( الجزء الثالث )

اجمل واشيك اسكارف كروشيه بناتى ( الجزء الثالث )
اجمل اسكارف كروشيه

بسم الله والصلاه والسلام على رسول الله

ان شاء الله سنكمل شرحنا لأجمل واشيك اسكارف بناتى كروشيه وللى يحب يتابع الاجزاء السابقه :

الجزء الاول : هنا

الجزء الثانى : هنا

وفي الاجزاء السابقع شرحنا التوكه والجوانى انما هنا ان شاء الله هنشرح الاسكارف علشان نكون خالصنا اجمل طقم كروشيه انتى ممكن تعمليه بمنتهى السهوله وتقدرى تغيرى في الالوان او المقاسات زى ماانتى عايزة

يلا يانجمه نبتدى على بركه الله

الادوات :

خيط صوف ممكن نفس اللون اللى اشتغلنا بيه او تغيرى اللون على حسب زوقك – ابره مناسبه لحجم الخيط –  4 زراير

طريقه التنفيذ :

السطر الاول : نشتغل 33 غرزة سلسله على فكرة احنا هنشتغل بالعرض فالعرض عندنا هيكون 31 غرزة سلسله

السطر الثانى: نرتفع 3 غرز سلسله ثم غرزة عمود الى نهايه السطر ثم نلق الشغل بالاتجاه الاخر علشان نبتدى في السطر اللى بعده

السطر الثالث : نرتفع 3 غرز سلسله ثم نشتغل 7 غرز عمود اماميه ثم نشتغل 14 غرزة سلسله ونقفل تلك الغرز باخر عمود عملنا يعنى عمود رقم 7 ثم 10غرز عمود اماميه ثم 14 غرزة سلسله ثم نقفلها باخر عمود  ونرجع نشتغل 9 غرزة عمود اماميه ثم 14 غرزة سلسله ونقفلهم باخر غرزة عمود ثم 7 غرز عمود اماميه ونلف الشغل علشان نكمل السطر اللى بعده

السطر الرابع : نرتفع 3 غرز سلسله ثم نشتغل 7 غرز عمود خلفيه عكس السطر السابق وهيكون عندنا دائرة مكونه من 14 غرزة سلسله هندخل الدائرة ونشتغل 24 غرزة عمود ثم نضم اخر غرزة عمود باول غرزة ونقفلهم مع بعض ونكمل السطر عادى نشتغل 9 غرز عمود خلفيه ثم نكرر مافعلناه بدائرة 14 غرزة سلسله نشتغل بداخلها 24 غرزة عمود ونضمها ونكمل باقى السطر زى مابدأنا

السطر الخامس : نرتفع 3 غرز سلسله ثم 7 غرر عمود اماميه ونكرر مافعلناه بالسطر السابق الى نهايه السطر

ملاحظه :

بنشتغل مرة عرزة عمود اماميه والسطر اللى بعده غرزة عمود خلفيه وهكذا الى نهايه الارتفاع المطلوب للاسكارف

وبالنسبه لدائرة او الحلقات المكونه من 14 غرزة سلسله دى هندخل كل حلقه في اللى بعدها زى الشكل الموجود بالصورة

وبالنسبه للزراير هنركب 3 زراير عند نهايه السطر الاخير وندخلهم في الحلقات الاخيرة كأنهم عروة والرزار الرابع هنركبه من الخلف كى بثبت الاسكارف على الشكل اللى في الصورة وبكده نكون انهينا اشيك واجمل طقم كروشيه

ولاأى استفسار راسلينا

admin

متخصصين في تدريب وتعليم وتصميم فن الكروشيه

اترك تعليقاً

لن يتم نشر عنوان بريدك الإلكتروني.