اجمل واشيك اسكارف كروشيه ( الجزء الثانى )

اجمل واشيك اسكارف كروشيه ( الجزء الثانى )

بسم الله والصلاه والسلام على رسول الله وكل عام وانتم بخير

ان شاء الله هنكمل مابدأنا في شرح اسكارف بناتى كروشيه وفي الجزء الاول شرحنا التوكه كروشيه النهارده هنشرح الجوانتى بدون اصابع وتقدرى تكبرى في المقاس او تصغرى على حسب رغبتك لان المقاس اللى هنشرحو هو مقاس الاطفال انتىعلى حسب انتى هتشتغلى للكبار او للاطفال يلا يانجمه نبتدى على باركه الله

الادوات :

خيط نفس اللون اللى استخدمتى في التوكه او ممكن تغيرى على حسب زوقك – ابرة مناسبه لحجم الخيط

طريقه التنفيذ :

السطر الاول : نشتغل 25 غرزة سلسله على حسب محيط معصم اليد ثم نقفل بمنزلقه

السطر الثانى : نرتفع 3 غرز سلسله ثم نشتغل غرزة عمود الى نهايه السطر ثم نقفل بمنزلقه

السطر الثالث : نرتفع 3 غرز سلسله ثم نشتغل غرزة عمود اماميه ثم غرزة عمود خلفيه الى نهايه السطر ثم نقفل السطر بمنزلقه

اللسطر الرابع : نرتفع 3 غرز سلسله ثم نشتغل غرزة عمود اماميه ثم غرزة عمود خلفيه يعنى فوق كل غرزة عمود اماميه غرزة زيها اماميه وفوق كل غرزة عمود خلفيه زيها غرزة خلفيه ثم نقفل بمنزلقه

السطر الخامس : نرتفع 3 غرز سلسله ثم نكرر مافعلناه في السطر الرابع حتى نهايه السطر ثم نقفل بمنزلقه

السطر السادس : نرتفع 3 غرز سلسله ثم نكرر مافعلناه في السطر اللى قبل كد حتى نهايه السطر ثم نقفل بمنزلقه

السطر السابع : نرتفع 3 غرز سلسله ثم نشتغل غرزة عمود عاديه من غير عمود خلفى او عود امامي يعنى غرزة عمود عاديه الى نهايه السطر ثم نقفل بمنزلقه

السطر الثامن : نرتفع 3 غرز سلسله ثم مرة غرزة عمود اماميه ثم غرزة عمود خلفيه مرة اماميه ثم خلفيه الى نهايه السطر ثم نقفل بمنزلقه

السطر التاسع : نرتفع 3 غرز سلسله ثم نعكس مافعلناه في السطر الثامن يعنى فوق كل غرزة اماميه نشتغل غرزة عمود خلفيه وفوق كل غرزة عمود خلفيه نشتغل غرزة عمود اماميه ونكمل ذلك   الى نهايه السطر ثم نقفل بمنزلقه

السطر العاشر : نرتفع 3 غرز سلسله ثم نكرر مافعلناه في السطر التاسع حتى نهايه السطر ثم نقفل بمنزلقه

ملاحظه : نفضل نكرر تلك الخطوات الى ان تصلى الى الارتفاع المطلوب للاصبع الابهام بالنسبه للجوانتى اللى شغالين عليه كان عدد الاسطر 6 اسطر انتى ممكن تزودى او تنقصي على حسب المقاس اللى انتى بتشتغلى عليه

السطر الثالث عشر : هنبتدى نعمل فتحه للاصبع الابهام نرتفع غرزة واحده سلسله ثم نشتغل 5 غرز منزلقه ثم نرتفع 3 غرز سلسله ونكمل زى السطور اللى فاتت عادى يعنى مرة غرزة عمود اماميه ومرة غرزة عمود خلفيه زى مافعلناه في السطور السابقه الى ان نصل الى قبل نهايه السطر ب 5 غرز نشتغلهم منزلقه زى مابدأن في البدايه ثم نقفل بمنزلقه

السطر الرابع عشر : نرتفع غرزة سلسله ونكرر مافعلناه في الخطوة السابقه ولكن هنا نفقل فتحه الابهام لكى نكمل باقي الجوانتى  غرزة عمود اماميه ثم خلفيه الى نهايه السطر ثم نقفل بمنزلقه

ملاحظه : نفضل نكرر مافعلناه الى ان تصلى الى الارتفاع المناسب وبكدا نكون انهينا ذلك الجوانتى الرائع نتمنى ان يكون الشرح وافيا ولااى اسفسار راسلينا

admin

متخصصين في تدريب وتعليم وتصميم فن الكروشيه

رأيان حول “اجمل واشيك اسكارف كروشيه ( الجزء الثانى )

اترك تعليقاً

لن يتم نشر عنوان بريدك الإلكتروني.