اجمل مفرش وسهل التنفيذ

اجمل مفرش وسهل التنفيذ
اسهل مفرش كروشيه

بسم الله والصلاة والسلام على رسول الله

اجمل مفرش ممكن تعمليه وتضيفي لمسه جماليه لبيتك وممكن كمان تعمليه مشروع

ومش بس كده انتى كمان ممكن تستفدى من الوحده اللى هنشرحها دلوقتى بانك تعملى منه بلوزة او جاكت لبنتك لان المفرش عبارة عن وحدات وانتى بتركبيها مع بعض لحد لما توصلى لمقاس المناسب اللى بتحددى

الادوات :

خيط قطن – ابرة كروشيه مناسبه لحجم الخيط – ابرة تنظيف

الشرح :

السطر الاول : بتعملى دائرة سحريه وبتشتغلى فيها 24 غرزة عمود

السطر الثانى : ترتفعى 5 غرز سلسله وتتركى غرزة وتدخلى في الغرزة الثانيه منزلقه وترجعى تعملى 5 غرزة سلسله وتتركى غرزة فارغه وتدخلى في اللى بعدها منزلقه هيكون عندك 12 نصف دائرة اللى هما خمس غرز اللى احنا كنا بنعملهم

السطر الثالث : نرتفع 3 غرز سلسله وبعدين 5 غرز عمود وبعدين 3 غرزة سلسسله ونثبتهم في الالدائرة اللى بعدها

ونرجع نعمل 5 غرزعمود وبعدين نعمل 3 غرز سلسله ونثبتهم في الدائرة اللى بعدها هتكونى كونتى 6 مرات غرز عمود

السطر الرابع : نرتفع 3 غرز سلسله وبعديعن نعمل 3 غرز عمود وبعدين غرزة سلسله وبعدين 3 غرز عمود وبعدين 3 غرز سلسله ونثبتهم في الغرز اللى بعدها ونرتفع 5 غرز سلسله ونثبتها في الدائرة اللى بعدها ونكررها لحد لما نكون 3 مرات وفي رابع مره نعمل 3 غرز سلسله ونعمل 3 عمود وغرزة سلسله وبعدين 3عمود ونكرر اللى عمالنا

السطر الخامس : نرتفع 3 غرز سلسله ونعمل 3 عمود وغرزة سلسله و3 عمود ونعمل 3 غرز سلسله ونثبتهم في اللى بعدها ونعمل 5 غرز سلسله ونثبتهم ونكررها لحد النهايه وبكدا نكون كونتى وحده كروشيه وتعملى كذا وحده زة ما شرحنا ونثبتهم مع بعض لحد ماتثبتى الوحدتين مع بعض علشان نوصل للمقاس المطلوب

ولاى استفسار شاركينا رئيك في التعليقات

admin

متخصصين في تدريب وتعليم وتصميم فن الكروشيه

اترك تعليقاً

لن يتم نشر عنوان بريدك الإلكتروني.