اجمل كستر كروشيه ممكن تتعلميه بأسهل طريقه مجربه

اجمل كستر كروشيه ممكن تتعلميه بأسهل طريقه مجربه
اجمل كستر كروشيه

هذا الكستر من اجمل واشيك الكسترات مش بس كده سهل كمان في تنفيذه وبسيطه وكالعاده ستار كروشيه براند هنشرحها بطريقه سهله وان شاء الله بدون مملفي هذا الكستر يفضل استخدام خيوط قطن وبتتحددى الالوان بناءا على شكل اللى بتختاريه

الادوات :

خيط قطن – مقص – قطن فيبر – ماركر للعلامات وابرة تنظيف

طريقه الشغل :

هنقسم شرح الكستر على جزئين علشان يكون الشرح اوضح بطريقه افضل ففي الجزء الاول هنشرح القاده للكستر الجزء الثانى هنشرح الارجل والرأس الكستر

الجزء الاول :

السطر الاول : بنعمل دائرة سحريه ونشتغل داخل الدائرة 6 غرز حشو ثم نقفل الدائرة السحريه وبكدا نكون خالصنا الدائرة السحريه

السطر الثانى : نرتفع غرزة سلسله وبعدين نعمل في كل غرزة حشو في السطر الاول غرزتين يعنى فوق كل غرزة نشتغل غرزتين بحث يكون عدد الغرز الحشو في السطر الثانى 12 غرزة حشو

السطر الثالث : نرتفع غرزة سلسله ثم نشتغل غرزة واحده حشو والغرزة اللى بعدها اثنين غرزة حشو وذلك لنهايه سطر الثالث

وهيكون عدد الغرز في هذا السطر 18 غرزة حشو

السطر الرابع : نرتفع غرزة سلسله ثم نشتغل غرزة واحده واللى بعدها غرزة واحده واللى بعدها اثنين ونرجع نكرر تانى يعنى 2 غرزة مفرد واحده مزدوجه وهكذا لنهايه السطر

السطر الخامس : نرتفع غرزة سلسله ونكرر نفس اللى عملناه في السطر الرابع لكن الفرق هنا اننا بنزود 3 غرز مفرد وغرزة الرابعه تكون غرزتين لحد لما نخلص السطر

السطر السادس : نرتفع سلسله ثم نكرر الى عملناه في السطر الخامس لكن بنعمل 4 غرزة مفرد والغرزة الخامسه بنتغل غرزتين ونفضل نكرر الى نهايه السطر

وبنكرر تلك الخطوات في الاسطر القادمه لكن في كل سطر بنزود غرزة مفرد في كل سطر بنشتغل عليه لحد ما نوصل للمقاس المناسب

السطر الاخير : نرتفع غرزة سلسله ثم نشتغل فوق كل غرزة حشو غرزة حشو بدون زيادات وممكن نغير اللون في السطر الاخير او تكملى للنهايه بنفس اللون اللى تختاريه

بعد مانوصل للمقاس المطلوب بنعمل قاعده مكونه من 3 سطور من غرز الحشو وده علشان نثبت رأس الكستر

الجزء الثانى :

هنشتغل على الرأس والارجل للكستر

اولا : ارجل الكستر

السطر الاول : بنعمل دائرة سحريه ونشتغل داخل الدائرة 6 غرز حشو ونقفل الدائرة

السطر الثانى : نرتفع غرزة سلسله ونشتغل اثين غرزة حشو فوق كل غرزة وهيكون العدد 12 غرزة حشو

السطر الثالث : ممكن نغير اللون ونرتفع سلسله ونكمل بدون ى زيادات لكن بنشتغل في طرف الغرزة الخالفيه علشان نرتفع بالغرز عشان ناخذ شكل القدم للكستر ونفضل نرتفع حتى نصل للطول المناسب للقدم وبنفس الطريقه نشتغل على باقى الارجل ونحشيها قطن ثم نثبتها في قاعده الكستر

ثانيا : رأس الكستر

السطر الاول : بنعمل دائرة سحريه ثم نشتغل داخلها 6 غرز حشو ونقفل الدائرة

السطر الثانى : نرتفع غرزة سلسله وبعدها نشتغل غرزتين في غرزة وهيكون عدد الغرز 12 حشو ونكرر اللى عملناه في الكستر هشتغل عليه في الرأسلحد لما يكون عدد غرز الحشو 42 غرزة حشو

ثم نشتغل 5 اسطر حشو بدون زيادات حتى نحصل على التقوس

السطر العاشر : نشتغل 5 غرز حشو ثم الغرزة رقم 6 و7 نجمعهم بغرزة واحده وهكذا يكون التنقيص ونكرر ذللك للنهايه السطر

السطر الحادى عشر : نشتغل 4 غرز حشو والغرز ة رقم 5و6 نجمعهم بغرزة واحده ونكرر ذلك الى نهايه السطر

ونفضل في كل سطر ننقص ثم نحشي الرأ س قطن فيبر ونكمل في التنقيص حتى نحصل على شكل كورة ونقوم بتثبيت الرأس في 3 اسطر في قاعده الكستر

اما بالنسبه للانف نفس اللى عملناه في الارجل هنعمله في الانف ونحشيه فيبر ونثته في الشكل وبالنسبه للعين ممكن نجيب عين جاهزة او نقوم بعمل العين بالخيط

ان شاء الله يعجبك واى استفسار اكتبى لنا في التعليق

admin

متخصصين في تدريب وتعليم وتصميم فن الكروشيه

اترك تعليقاً

لن يتم نشر عنوان بريدك الإلكتروني.