اجمل طاقيه كروشيه

اجمل طاقيه كروشيه

بسم الله والصلاة والسلام على رسول الله

هنشرح ان شاء الله طريقه تنفيذ طاقيه كروشيه بأسهل طريقه مجربه وتقدرى تعمليها لابنك او زوجك او ممكن يكون مشروع خاص بيكى وهى سهله جدا وبسيطه ومش بتحتاج وقت او مجهود كبير احنا هنا استخدمنا لون واحد وهو اللون الرمادى انتى ليكى حريه الاختيار انك ممكن تشتغلى بالونين او اكثر على حسب زوقك ورغبتك وممكن تنفيذيها بلون واحد زى ماتحبي

الادوات :

خيط صوف اللون اللى تفضليه – ابرة مناسبه لحجم الخيط

طريقه التنفيذ :

هنقسمها الى جزئين علشان تستفيدى اكثر وتكونى مركزة في الخطوات

الجزء الاول : هنشتغل على محيط الرأس

السطر اول : نشتغل 12 غرزة سلسله

السطر الثانى : نرتفع غرزة سلسله ونشتغل غرزة منزلقه اماميه الى نهايه االسطر

السطر الثالث : نرتفع غرزة سلسله ونشتغل غرزة منزلقه خلفيه الى نهايه السطر

ونفضل نكرر الغرز الاماميه ثم الغرز الخلفيه الى انن تصلى الى حجم الرأس او المقاس المناسب لمحيط الرأس ثم نقفل الشغل بتاعنا

علشان نبتدتى نشتغل على الطول

الجزء الثانى : هنشتغل على طول الطاقيه

السطر الاول : بعد ما اشتغلنا على حجم الرأس نشغل على الطول نرتفع 3 غرز سلسله ثم نشتغل 7 غرز عمود اماميه ثم 4 غرز عمود خالفيه وبعد كدا نرجع نشتغل 7 غرز عمود اماميه وثم 4 غرز عمود خالفيه ونفضل نكرر هذا الى نهايه السطر

السطر الثانى : نرتفع 3 غرز سلسله ثم نشتغل 7 غرز عمود اماميه ثم نشتغل 4 غرز خالفيه الى نهايه السطر ونكرر تللك الخطوة 14 سطر لحد ما نصل للطول المناسب ونبتدى بتنقيص علشان نقفل الطاقيه

السطر الخامس عشر : هنا هنقص عدد الاعمده نرتفع 3 غرز سلسله ونبدى ناخد غرزتين من السطر اللى تحت بغرزة واحده اماميه ثم نكمل الباقي عادى بدون تنقيص كل عمود امامي فوقيه عمود امامى وكذلك في غرز العمود الخلفيه هناخد غرزتين بغرزة واحده هيكون عندك 3 غرز عمود خالفيه ونكرر ده ارتفاع سطرين

السطر السادس عشر : نرتفع 3 غرز سلسله ثم نشتغل هنسحب غرزتين عمود بغرزة واحده اماميه وهيكود عدد الغرز 4 وبالنسبه بالغرز الخالفيه هنسحب الغرزتين بغرزة واحده عمود خالفيه وهيكون عدد الغرز 2 غرز عمود

وهنفضل ننقص لحد ماتقفل الدائرة الطاقيه وبكدا نكون خالصنا اسهل ططاقيه انتى ممكن تعميلها بمنتهى البساطه والسهوله لو عندك اى استفسار راسلينا في التعليقات

admin

متخصصين في تدريب وتعليم وتصميم فن الكروشيه

اترك تعليقاً

لن يتم نشر عنوان بريدك الإلكتروني.