اجمل جوانتى كروشيه

اجمل جوانتى كروشيه

بسم الله والصلاه والسلام على رسول الله

الجوانتى ده من اجمل واشيك حاجه انتى ممكن تشتغليها

الادوات :

3 الوان خيط – ابره كروشيه مناسبه لحجم الخيط

طريقه التنفيذ :

السطر الاول : نشتغل 30 غرزة سلسله ونقفلها بحيث تكون شكل دائرة وممكن تزودى في عدد السلسله على حسب مقاس اليد

السطر الثانى : نرتفع 3 غرز سلسله نشتغل غرزز عمود الى النهايه ونقفل بمنزلقه

السطر الثالث : نرتفع 3 غرز سلسله نشغل مرة غرزة اماميه والاخرى خلفيه وممكن هنا تبديل بالون الخيط

السطر الرابع : نرتفع 3 غرز سلسله والغرزة الاماميه نشتغل فوقها اماميه والخلفيه فوقها خلفيه ونقفل بمنزلقه

السطر الخامس : نرتفع 3 غرز سلسله ونكرر اللى عملنا في السطر الرابع ونقفل بمنزلقه

السطر السادس : نرتففع 3 غرز سلسله وغرزة عمود الى نهايه السطر ونقفل بمنزلقه

السطر السابع : نرتفع 3 غرز سلسله ونشغل عمود لنهايه السطر ونقفل بمنزلقه

السطر الثامن : نرتفع 3 غرز سلسله ونشتغل غرزة اماميه واخرى خلفيه الى نهايه السطر ونقفل بمنزلقه

السطر التاسع : نرتفع 3 غرز سلسله ونشتغل العكس يعنى فوق كل غرزة اماميه نشغل خلفيه وفوق الخلفيه نشتغل اماميه

السطر العاشر : نرتفع3 غرز سلسله ونكرر اللى عملنا في السطر التاسع ونرتفع خمس اسطر بنفس الشكل ونقفل بمنزلقه

السطر السادس عشر : نرتفع 1 غرزة سلسله ونشتغل 5 غرز منزلقه ونكمل بغرزة اماميه وخلفيه بنفس الشكل السابق وقبل نهايه السطر نشتغل 5 غرزة منزلقه وبكدا خالصنا مخرج الابهام ونشتغل باقى الاسطر اللى جايه على اربع اصابع فقط

السطر السابع عشر : نرتفع 1 سلسله ونشتغل 5 منزلقه زى السطر اللى فات ونقفل اخر غرزة منزلقه باخر غرزة منزلقه وبكده نكون عمالنا فاتحه للاصبع الابهام ونكمل باقي السطرغرزة اماميه وغرزة خلفيه الى نهايه السطر

السطر الثامن عشر : نرتفع 3 سلسله ونكرر اللى عملنا في السطر السابع عشر 4 اسطر الى ان نصل الى الطول المناسب ونقفل بمنزلقه

وبكده نكون خالصنا شغلنا على اجمل جوانتى كروشيه

ك

admin

متخصصين في تدريب وتعليم وتصميم فن الكروشيه

اترك تعليقاً

لن يتم نشر عنوان بريدك الإلكتروني.