اجمل بلوزة بناتى كروشيه وانتى ممكن تنفيذيها بأسهل طريقه مجربه

اجمل بلوزة بناتى كروشيه وانتى ممكن تنفيذيها بأسهل طريقه مجربه
اجمل بلوزة كروشيه

بسم الله والصلاة والسلام على رسول الله

اذا كان نفسك تعملى بلوزة كروشيه جميله وشيك جدا في لبسها هنا ان شاء الله هتقدرى تتعلميها بأسهل طريقه مجربه بجد احنا هنترك الحكم ليكى لما تجربيها بنفسك وتشوفى انها سهله جدا ومع بعض خطوة خطوة هتكون خلصت ويلا نبدأ على بركه الله نستعين

الادوات : خيط صوف هنحتاج 4 بكرات انتى ممكن تزودى او تنقصي على حسب المقاس – ابرة مناسبه لحجم الخيط – مركر

طريقه التنفيذ :

هنقسمها الى جزئيين الجزء الاول هنشرح البلوزة والجزء الثانى الاكمام والفنش النهائى

الجزء الاول :

السطر الاول : هنشتغل غرز سلسله على حسب مقاس الوسط ثم نقفل اول غرزة سلسله مع اخر غرزة ثم نضع مركر للعلامه

السطر الثانى : نرتفع 3 غرز سلسله ثم هنترك غرزة تحت وندخل في اللى بعدها ونعمل 2 غرزة عمود ثم 3 غرز سلسله ونرجع نعمل 2 غرزة عمود ثم نشتغل 9 غرز سلسله وايضا نترك 9 غرز سلسله في السطر اللى تحت ثم نكرر اللى عملناه نشتغل 2 غرزة عمود ثم 3 غرز سلسله ثم 2 عمود ثم 9 غرز سلسله ونفضل نكرر الخطوه السابقه الى نهايه السطر ثم نقفل السطر بمنزلقه

السطر الثالث : نرتفع 3 غرز سلسله ونكرر اللى عملناه في السطر الثانى حتى نهايه السطر

ملاحظه :

نقوم بتكرار مافعلناه في السطر الثانى والثالث الى ان نرتفع 25 سطر بنفس الخطوات وانتى ممكن تزيدى عن كده او تنقصي حسب الطول المناسب ليكى

السطر السادس و العشرين :

في هذا السطر هنبتدى ننقص لكن من الجانبين فقط كالاتى نرتفع 3 غرز سلسله ثم  2 غرزة عمود ثم 6 غرز سلسله ثم 2 غرزة عمود ثم 3 غرز سلسله ثم 2 غرز عمود ونكمل باقي السطر عادى زى السطور اللى قبل كده الى ان نصل قبل نهايه السطر نفعل ما فعلناه في بدايه السطر وننقص في عدد الغرز

ملاحظه :

مع التنقيص الجانبين سوف نرتفع 7 اسطر الى ان نصل الى فتحت الرقبه والذراعين ثم نشتغل على الكتف الايمن نرتفع 3 سلسله ثم نعمل 2 عمود وبعدها 3 غرزة سلسله ثم 2 عمود ثم 5 سلسله الى ان نصل الى النهايه

السطر الثانى :نرتقع 3 سلسله ثم 2 عمود ثم 3 سلسله ثم 2 عمود ثم 3 سلسله يعنى في كل مرة تنقص في الغرز السلسله الى ان نصل الى الارتفاع المناسب ومش هيكون عندنا اى غرز سلسله بين الغرز العمود

الكتف الايسر : نفس اللى عملناه في كتف الايمن هنكررة في الكتف الايسر بنفس العدد والخطوات

الجزء الثانى :

هنشرح هنا الاكمام والبلوزة نصف كم وليست كم كامل

اولا : نبتدى من تحت الابط نرتفع 4 غرز سلسله وندخل بيها في الفتحه الاوله ثم نكرر ذالك في كل فتحه يعنى بنعمل سور علشان نبنى عليه الكم

السطر الاول : نرتفع 3 غرز سلسله ثم 2غرزة عمود ثم 3 غرزة سلسله ثم 2 غرزة عمود ثم 4 غرزة سلسله ثم 2 غرزة عمود وهكذا الى نهايه السطر حتى نرتفع 9 اسطر على نفس الخطوات ثم نبدأ في التنقيص

السطر الحادى عشر : نرتفع3 سلسله ثم 2 عمود ثم 3 سلسله ثم 2 عمود ثم غرز سلسله يعنى بنقلل في العدد غرز السلسله بين الغرز حتى نصل الى الطول المنااسب ولايكون هناك غرز سلسله بين غرز العمود

ملاحظه :

 احنا هنا عملنا حزام بغرزةة االسلسله حتى يعطى للبلوزة شكل رائع

نتمنى ان يكون الشرح مفيد ولااى استفسار راسلينا في التعليقات

admin

متخصصين في تدريب وتعليم وتصميم فن الكروشيه

اترك تعليقاً

لن يتم نشر عنوان بريدك الإلكتروني.